ఓం నమః శివాయ
ప్రతి మాసం లోను ప్రదోషవేళ కృష్ణ చతుర్దశి ఉంటే దానిని మాస శివరాత్రి అంటారు.మాఘమాసం లో వచ్చే మాస శివరాత్రిని మహా శివరాత్రి అంటారు.ఇది పరమ శివుడు ఆవిర్భవించిన దినం.శివుని ఉపాసించడానికి తగినది శివరాత్రి.
సత్యజ్ఞానాంతస్వరూపమైన సనాతన పరబ్రహ్మ శివుడు ...ఆయనో సనాతనుడు...సగుణుడు..సచ్చిదానంద స్వరూపుడు...అటువంటి అద్వితీయము, నిత్యము,అనంతము,పూర్ణము,అసంగము అయిన ప్రకృతి పురుషాతీతమైన ఈ పరతత్వాన్నే శివుడు అని చెప్పింది శివపురాణం.సర్వవ్యాపకుడైన ఈ శివుడే లింగ రూపంలో ఎన్నో క్షేత్రాలలో  కొలువై ఉండి భక్త సులభుడై ఎందరికో అనుగ్రహాన్ని కురిపిస్తున్నాడు.భారతదేశం అఖండం అనే పరమ సత్యాన్ని నిరూపిస్తున్నాడు... ఆ పరమ శివుడి అనుగ్రహం, కరుణ కటాక్షాలు అందరికీ ప్రసరించుగాక!!! ఓం నమః శివాయ!!!